Dentro do proxecto "Capitán Mareas", en colaboración coa Consellería do Mar, os Grupos de Acción Local Pesqueira de Galicia e Asturias e Vegalsa-Eroski o alumnado de 5º e 6º de Primaria visitou a Cofradía de Pescadores de Burela e realizou diversos obradoiros encamiñados a por en valor a alimentación saudable, rica en produtos do mar, de tempada e de proximidade. Fixeron dinámicas de subasta de peixes, obradoiros de cociña e descubriron o significado dos murais que adornan a Cofradía.
