Ao longo de diferentes tramos horarios, o alumnado gozou dun espazo de creatividade empregando materiais naturais recollidos no entorno, como paus, pedras, follas, pétalos, flores ou mazorcas. Unha forma de conectar coa natureza desde o respecto e a imaxinación.
As creacións foron sorprendentes, cheas de cor e orixinalidade, demostrando que a arte tamén pode ser unha ferramenta para valorar e coidar o noso planeta. Unha fermosa maneira de render homenaxe á Terra e lembrar a importancia de protexela cada día .
