Incrementar a sensibilidade da poboación
sobre os valores dos humidais e fomentar actuacións para evitar a súa
deterioración son os obxectivos desta conmemoración. Cada 2 de febreiro,
países de todo o mundo súmanse a esta celebración desde 1971, cando se
asinou o Convenio dos Humidais
na cidade iraniana de Ramsar. Este acordo serviu para establecer un
marco común para a protección destes espazos. Ademais, a raíz do
convenio creouse unha lista de humidais de importancia internacional, na
que figuran 1.650 espazos de 154 países.
En Galicia,
cinco humidais están incluídos no Convenio de Ramsar. Trátase do
complexo de Corrubedo, o intermareal Umia-O Grove, A Lanzada, Punta
Carreirón e lagoa Bodeira, a lagoa e o areal de Valdoviño, a ría de
Ortigueira e Ladrido e a ría de Ribadeo.
