Ranatura está moi contenta, pois descubriu que estes nenos e nenas descubriron a importancia de sementar con coidado e agarimo. Pouco a pouco, foron colocando as pequenas sementes e regándoas con delicadeza. Aprenderon que a luz, a auga e a paciencia son fundamentais para ver medrar a vida.
Agora, cada día, achegaranse ao invernadoiro para observar os seus avances e Ranatura non lles perderá ollo!!
O alumnado de Primaria do CEIP de Cervo convirteuse en explorador da agua e do clima. Investigando os climas de España e de Galicia, descubriron que a agua é unha auténtica directora de orquestra: decide si vai calor ou frío, se chove moito ou pouco e se unha paisaxe é verde intenso… ou cor “deserto elegante”.
O alumnado reflexionou sobre como o uso irresponsable da auga e a contaminación afectan ao equilibrio do planeta, alterando climas, ecosistemas e a nosa vida diaria.
Estas investigacións axúdannos a tomar conciencia da importancia que é coidar o noso planeta, e de que cada pequeno xesto pode contribuir a ese fin.
O Equipo de Dinamización da Lingua Galega do CEIP DE CERVO promove, de novo, a elaboración dun calendario escolar. Este ano, tendo en conta os proxectos de Voz Natura e o PDI deste curso, elaborouse con moita ilusión, o Calendario Sostible 2026, un proxecto no que participou todo o alumnado e que nace co obxectivo de acercar os Obxectivos de Desenvolvemento Sostible (ODS) da Axenda 2030 ao noso día a día. A través desta proposta quixemos reflexionar sobre o mundo no que vivimos e sobre a importancia de coidalo.
Podedes descargalo pulsando no código QR.
Esperamos que vos guste e vos faga reflexionar para, xuntos, millorar a situación do noso planeta.
Ranatura, a nosa mascota medioambiental, propuxo varios retos ao alumnado do cole, debuxar accións propostas para a millora dos espazos naturais a partir dun poema, escribir lemas para niamr a reciclar correctamente, usar transporte sostible, reducir plásticos, aforrar enerxía... e os máis maiores incluso se atreveron a redactar noticias relacionadas coas distintas accións levadas a cabo por Greta.
Con este traballo seguimos avanzando nos ODS da Axenda 2030, especialmente aqueles relacionados co clima, o consumo responsable e a vida no planeta.
Porque, como lembra Greta, todas as pequenas accións contan. é dicir... CADA PINGA CONTA!!
Estes días dedicámolos a preparar o invernadoiro para a nova tempada. Fixemos a limpeza dos bancais, retirando restos de plantas do verán e aireamos a terra para deixala lista.
Tamén engadimos abono orgánico para recuperar nutrientes e conseguir un sólo máis fértil.
Co invernadoiro xa preparado, nos vindeiros días comezaremos as novas plantacións de outono.
